Кечки сайр жойига айланган Нурафшон кўчасининг янги бўлаги (Фото)
Тошкентдаги учинчи ҳалқа йўлининг очилишига ҳеч қанча вақт қолмади. Унинг бир бўлаги ҳисобланган Нурафшон кўчасининг Беруний кўчаси — Оқтепа майдони оралиғидаги қисми, айниқса, Беруний — Маннон Уйғур кўчалари оралиғи тўла тайёр ҳолатга келиб бўлган, деб Daryo.Uz ёзмоқда.
Асфальт қопламаси идеал даражада ётқизилган, янги ёруғлик диодли чироқлар кўчани ёрқин нур сочмоқда, светофорлар ишлаяпти, йўл чизиқлари чизилган.
Янги қурилган йўл ҳали очилганича йўқ, шу сабабли ҳам ҳар куни салқин тушганидан сўнг кўчага ёндош маҳалла ва мавзелар аҳолиси теп-текис йўл бўйлаб кечки сайр уюштирмоқда.