Келаси йилда Great Wall компанияси биринчи электромобилини ишлаб чиқаради

Хитойнинг йирик автомобилсозлик компанияларидан бири Great Wall Motors бренди 2016 йилда Great Wall C30EV электромобилини ишлаб чиқаришини маълум қилди. Бу хабар Гуанчжоудаги кўргазмадан сўнг интернет тармоғи узра тарқалди.

Great Wall C30EV бир неча вариантда тақдим этилиши мўлжалланган. Аввало шахсий фойдаланиш учун мўлжалланган варианти, қолаверса, корпоратив (Хитой таксомотор парклари учун) версияси ишлаб чиқарилади. Шу билан бирга гибрид моторли кроссовер ишлаб чиқарилиши кўзда тутилган. Great Wall компаниясига қарашли корхоналарда етти турдаги моделни серияли ишлаб чиқариш учун имконият мавжуд.