Келгуси йил намойиш этиладиган Chevrolet Corvette ZR1 суперкарининг махфий сурати эълон қилинди

АҚШнинг Autoblog нашри янги Chevrolet Corvette ZR1 суперкарининг жосуслар томонидан олинган суратларини эълон қилди. Мазкур моделнинг омма олдидаги намойиши келгуси йил январида Детройтдаги моторшоуда бўлиб ўтади. Бу ҳақда Дарё нашри ёзмоқда.

Оодинроқ ҳам Corvette’нинг энг экстремал модификацияси суратлари интернетда пайдо бўлган, бироқ бу гал суперкар дизайнининг элементлари, жумладан, вентиляция тешиклари бўлган антиқа капот, катта олдинги сплиттер, ҳаво сўрувчилар ва залворли аксилқанот яхшироқ кўринган.

Компания Corvette ZR1 ўта қудратли бўлишини билдирганди. Ҳозирда ушбу моделнинг энг тезкор варианти — Z06 650 от кучига эга ва соатига 100 километр тезликка 2,95 сонияда чиқса, ZR1 да бу кўрсаткич 700, ҳатто 800 от кучига етиши мумкин.