Корейслардан шиша капотли автомобиль - Essentia (видео)

Шу кунларда Нью-Йорк автосалонида Genesis бренди ўзининг Essentia концептини намойиш қилди. Бу концептга “спортча хушбичимлик” деб таъриф беришди.

Essentia марканинг тўлалигича электрга ҳаракатланадиган биринчи автомобилидир. Карбонпластикдан ишланган кузовининг вазни қушдек енгил. Бир нечта электромоторлар ўрнатилган.

Фирмагагина хос унсурлар электромобилда кўзга ташланади, масалан лазерли ингичка фаралар. Автомобилнинг олдигина эмас, ёнлари ҳам нур таратади, орқа оптикаси эса хийла мураккаб ишланган. 

Батареялари марказий тоннел ичида I шаклида жойлаштирилганлиги учун машина томи пасайган – 127 см. Шу билан бирга салонни тор ҳам деб бўлмайди. Essentia ўта тезкор, уч сонияда юзга чиқади.

Essentia шаҳар инфраструктураси ва бошқа автомобиллар билан алоқалаша оладиган технология билан жиҳозланган. У ақлли уй билан ҳам мулоқот қила олади.

Эслатиб ўтамиз: Genesis Hyundai-Kia концернининг премиум бренди саналади.