Lada 4×4 нинг экспорт версияси тайёрланди

Тольятти автозаводи шу йилнинг ёзида Lada 4×4нинг экспорт версиясини тайёрлади. Бу модель Евро-6 экологик стандартига мос келади. Айтиш керакки, Европа учун ишлаб чиқарилган автомобиль ташқи кўриниши Россия бозори учун чиқарилганидан фарқ қилмайди. Европалик сотувчилар Евро-6 талабига жавоб берувчи 500 автомобилни қабул қилиб олдилар.

Бизда раислар машинаси ҳисобланган “Нива”нинг Urban номли версияси хорижликларга кейинроқ тақдим этилади. Россия телевидениеси орқали хабар беришларича, АвтоВАЗ аввалги моделларни такомиллаштириш билан банд. Бизга таниш бу автомобилларнинг янгиланган версиялари иқлим ўзгартирувчи мослама ва бошқа кўплаб замонавий аппаратлар билан жиҳозланган бўлади.