“Лада Веста”дан энди йўлтанламас тайёрланади

Lada Vesta Cross алоҳида бир русум эмас, таркибига седан ва универсал кирувчи бутун бир оилага айланмоқда.

Москвада ўтган йили ўтказилган автокўргазмада АВТОВАЗ Lada Vesta Cross седанининг йўлтанламас прототипини кўрсатган. Универсалнинг осма ва безакларини олиб арзон, тез ва осонгина янги авто яратиш мумкинлигига яққол мисол бу.

Толятти машинасозлари биринчи машинани ясагач, қўл қовуштириб ўтирмоқчи эмас. Тўрт эшикли “Веста Кросс” 2018 йилдан чиқарила бошлайди. Интернетга сизган ниқобдаги седан тасвирлари буни тасдиқламоқда.

Cross оддий седандан тубининг баландлиги (203 мм), ҳимоявий тўсқичи ва салонининг жиҳозлари билан ажралиб туради. Тўла узатмали Lada Vestaнинг истиқболи хусусида кейинроқ батафсил ҳикоя қиламиз.

Эслатиб ўтамиз: шу йилнинг 11 сентябр куни Lada Vesta универсалини ишлаб чиқариш бошланган.