Lada Vesta универсали мана бундай қиёфада бўлади
АвтоВАЗ компанияси ҳозирга қадар Lada Vestaнинг универсал версияси қиёфасини сир тутиб келди. Аввалроқ Москвадаги автосалонда беш эшикли кросс версияси нишона нусха кўринишида тақдим этилган бўлиб, у йирикроқ ғилдиракли ва шиддаткор кўринишда эди.
Илмий-техник конференцияда ВАЗнинг инжиниринг бўйича ижрочи президенти Харалд Грюбер “универсал” олдинроқ, Lada Vesta Cross эса кейинроқ савдога чиқишини айтди.
Федерал патент хизматига асосланиб, беш эшикли “Веста”нинг қиёфасини гавдалантириш имкони туғилди. Сиз кўриб турган автомобилнинг ердан баландлиги 178 мм бўлиб, 15 дюймли ғилдирак дискларига эгадир.
Машинага 1,6 литрли (106 от кучи) ва 1,8 литрли (122 от кучи) двигателлар ўрнатилади. Автоматик ва механик қутилар билан ишлайди. Келгуси куздан сотувга чиқиши кутилмоқда.