Lada XCODE моделининг янги суратлари пайдо бўлди
АвтоВАЗга тегишли Lada XCODE моделининг янги суратлари пайдо бўлди. Тасвирга қараб янги Lada XCODE кроссоверининг дизайни Lada XRAY моделига ўхшаш, аммо амалдаги моделдан икки хил рангдаги кузов ва такомиллашган олд ёритиш тизими билан ажралиб туришини пайқаш мумкин.
Скетчда кўриниб турганидек, автомобиль учта эмас, балки бешта эшикка эга. Бу эса тасвирнинг хақиқийлигидан далолат беради.
Бироқ Lada XCODE моделининг техник кўрсаткичлари ҳақида ҳали бирор маълумот мавжуд эмас. Аммо автомобиль умумий Renault Duster платформасининг базасида яратилиши тахмин қилинмоқда. У XRAY моделидан 15 сантиметрга узунроқ ва тўлиқ узатмали тизимга эга бўлиши мумкин.