Lamborghini аёлларга мўлжалланган кроссовер тайёрлайди

Италия автокорхонасининг бош директори Стефано Доменикалининг айтишича, компания Urus моделини аёлларга мослаб қайта ишлашни режалаштирмоқда. Рестайлингдан кейин модель бутунлай ўзгача қиёфа касб этиши кутилмоқда.

“Буқа (Lamborghini рамзи) ҳар доим агрессив, мен эса келажакка янги фалсафа билан қадам ташламоқчиман. Келажакдаги Lamborghini инсонлардаги гўзалликни илғайдиган ва ўз моделлари билан оилаларнинг узоғини енгил қиладиган автомобиль бўлади”, — дейди компания раҳбари Стефано Доменикали.

Шу билан бирга, Lamborghini раҳбари янги Urus нафақат ташқи томондан чиройли, балки унинг ҳаракат кўрсаткичлари ҳам маромида бўлишини қайд қилиб ўтган. Янги кроссоверга Audi Q7 моделига қарашли 4 литрли, 600 та от кучига эга бўлган (айланиш моменти 900 Нм) битурбо мотор ўрнатилади.

Lamborghini Urus кроссоверининг бутунжаҳон премьераси 2018 йилнинг март ойида Женевада бўлиб ўтади.