Lamborghini SUV сегментидаги кроссоверларнинг ишлаб чиқариш ҳажмини оширади

Суперкарлар ишлаб чиқаришга ихтисослашган Италиянинг Lamborghini компанияси ўзининг SUV сегментидаги автомобилларининг ишлаб чиқариш миқдорини янада ошириш мақсадида. Компания президенти Стефано Доменикалининг айтишича, 2019 йилга келиб компания йилига 7000 тагача кроссовер сотишни режалаштирган.

Ҳозир Lamborghini ўзининг “Urus” номли ертанламасини сотувга тайёрламоқда. Ушбу модель 2018 йилда жаҳон бозорига чиқарилади. Кроссовернинг нархи тахминан 200 минг АҚШ доллари атрофида бўлиши айтилмоқда. Шу билан бирга Lamborghini  дилерлар тармоғини ҳам кенгайтиришни кун тартибига қўйган. Айни вақтда дунё бўйича компания 132 дилерлик марказига эга бўлиб, яқин келажакда уларнинг сонини 160 тага етказмоқчи.

2020 йилга келиб Италия компанияси ушбу ертанламаснинг гибрид версиясини ишлаб чиқаради. Шунингдек, атмосферага зарарли газ чиқармайдиган экологик тоза версиянинг тайёрланиши ҳам эҳтимолдан холи эмас. Бироқ янги туркумдаги кроссоверларга қайси комплектациядаги моторлар ўрнатилиши ҳозирча номаълум.