Land Rover ишқибозлари, велосипедга ўтиринг
Jaguar Land Rover автомобиль концерни янги русумдаги велосипедни тақдим этди. Марка вакилларининг сўзларига кўра, рамаси 20 дюймли енгил алюминий қотишмасидан ясалган Six Fifty Series V велосипеди фаол ҳордиқ чиқарувчилар учун жуда мосдир. Велосипедга Tektro гидравлик дискли тормозлари ва 27,5 дюймли ғилдираклар ўрнатилган.
Dynamic Pure велосипеди бўлса, қир-адирда сайр қилишга мўлжалланган. Унинг Schwalbe Rapid Rob 650B шиналари тешилишдан ҳимояланган. Яна бир русуми Dynamic Airни исталган вақтда йиғиб кўтариб кетиш мумкин.
Велосипедларга қўшимча равишда ташийдиган мослама берилади. У алюминий ва бошқа енгил материаллардан ишланган.