Lucid Motors’нинг Air электрокари 350 км/соат тезликка эришди (видео)

Lucid Motors компанияси 1000 от кучига эга Air электрокарининг синови акс этган видеони тақдим этди. АҚШнинг Огайо штатидаги 12 километрли овал шаклидаги синов полигонида автомобиль 350 км/соат тезликка эришди. Бу ҳақда Daryo.uz ёзмоқда.

Тўрт эшикли электрокар 2016 йилда тақдим этилган. Кучланиш қурилмаси таркибига иккита электромотор ва сиғими 100 ёки 130 киловатт/соат бўлган аккумуляторлар комплекси киради. Машинанинг такомиллаштирилган кўриниши 640 километр масофани бир марталик тўла қувват билан босиб ўта олади.

Lucid Air 2,5 сонияда 96 км/соат тезликка эришади. Модель кейинги йилдан бошлаб йиғила бошланади. 2018 йилда, тахминан, 250 та машина йиғиш режалаштирилмоқда. Моделнинг нархи 100 — 160 минг доллар бўлади.