Mahindra ҳинд компанияси 6 ўриндиқли янги хэтчбек видеосини кўрсатди

Янги хэтчбекнинг номи KUV100 бўлиб, ихчам кроссовер қиёфасини олган. Ўтган ҳафтада у расман тақдим этилди. Автомобиль бир неча хил комплектацияда ишлаб чиқарилади.

Двигателлар бўғинида уч цилиндрли ёки тўрт цилиндрли агрегатлар кўрсатилади. Мотор ҳажми 1,2 литр бўлиб, қуввати 82 ёки 77 от кучига тенг. Кроссовер дизель агрегат билан ҳам таъминланади. Механик узатмалар қутиси мавжуд. Автомобиль салонида 6 ўриндиқ бор, қўшимча диван жойлаштирилиши ҳам мумкин.

Машина электроникаси ABS тизими, тормоз кучини электрон тарзда қайта тақсимлаш ва барқарорлаштириш функцияси ҳамда бошқа стандарт опцияларни ўз ичига олган. Автомобиль фақат ҳиндистонлик харидорларга мўлжалланган.

Компания раҳбарияти хэтчбек нархини эълон қилганича йўқ, дилерлик марказлари эса аввалдан буюртма қабул қилишни бошлаб юборишди. Янги машина шу ойдан харидорларга етиб боради.