Maserati: Бировга ўхшагим келмайди

Maseratiнинг техник директори Роберто Федели Tesla ва бошқа маркаларга мутлақо ўхшамайдиган ўз машиналарини яратишаётганлигини айтди.

“Феррари” электромобиль чиқаришни хушламай турган вақтда Maserati ўз тарихида илк марта электромобиль ясамоқчи. Роберто Федели компания маҳсулоти 2020 йилда бозор юзини кўришини эълон қилди. Айниқса, “Тесла”га ўхшамасмиш, чунки италянлар уни “энг зўри эмас”, деб ҳисоблайди.

Масератичилар айтишича, таърифи келтирилган электромобиль энг аввало кузови билан ажралиб туради. У седан эмас, хэтчбек ҳам эмас, гран-туризмо услубидаги купе бўлиши кутиляпти. Роберто машина кучли динамикага эга бўлиши, аккумуляторлари енгиллигини олдиндан ваъда қилмоқда.

Италияликларнинг янги машинаси бозорга чиққанида BMW, Audi, Mercedes-Benz, Jaguar, Lexus, Infiniti, Volvo ва албатта, Teslaдек рақобатчилари қарши олади. Рақобатга дош берадими-йўқми – вақт кўрсатади.