Mazda: ротор ҳали яшайди!

Mazda роторли двигателлар мавзусига қайтмоқда! Бир неча йиллар муқаддам японлар мазкур мураккаб ва инжиқ агрегат билан хайрлашган эди. Бироқ вазият ҳамма кутганидек чиқмади, маълум бўлишича, японлар ротор-поршенли двигателларнинг  янги авлоди устида иш олиб бораётган экан. Ҳозирча у фақатгина RX-Vision концептига ўрнатилди. Серияли ишлаб чиқаришга эса ҳали озроқ бор. Бироқ Mazda`нинг мазкур мавзуни ташлаб қўймагани кўпчиликни қувонтирмоқда.