Mercedes-Benz Vision Van – Daimler’дан футуристик фургон

Германиянинг Daimler концерни Mercedes-Benz Vision Van номли келажак фургонини намойиш этди. Янги концепт келажак автолари учун инвестициялар жалб қилишга қаратилган adVANce лойиҳаси доирасида тайёрланган.

Компаниянинг таъкидлашича, Mercedes-Benz Vision Van шаҳар ва шаҳар атрофи бўйлаб юкларни оптимал равишда етказиб беришга мўлжалланган. Шунингдек, фургон етказиб бериш хизмати электронлаштирилган жаҳондига илк машина ҳисобланади.

Фургон, чиндан ҳам, жуда ажойиб футуристик дизайнга эга. Фургон томига ўрнатилган дронлар ёрдамида жўнатмани бевосита қабул қилувчининг қўлигача етказиш мумкин бўлади.

Футуристик фургон электр токида ҳаракатланади. Мотор қуввати – 75 кВт (102 от кучида). Автомобиль бир зарядда 80 километрдан 270 километргача йўл босиши мумкин.

Келажак автомобилларини ривожлатириш билан компаниядаги махсус Future Transportation Systems бўлими шуғулланади. Бўлимда ҳозирда 200 та ходим меҳнат қилмоқда. Бўлимнинг Штутгарт, Берлин ва Силикон водийсида ўз филиаллари бор.