Mercedes-Maybach йўлтанламас ишлаб чиқаради

Янги дабдабали SUV (йўлтанламас) ишлаб чиқарилиши тўғрисида Mercedes-Benz директорлар кенгаши аъзоси айтиб ўтди.

“SUV тобора оммалашиб кетмоқда, машҳурлигига путур етмайди. Савлатли автомобилда ўтириш, услуби ва спортча қиёфаси, қулайлиги одамларга ёқади. Бу йўналиш давом этади, деб ўйлайман”, дейди Mercedes-Benz директорлар кенгаши аъзоси Ола Кэллениус.

Кэллениус йўлтанламас янги платформада ясалишини айтиб ўтди. Шунга қарамасдан, компаниянинг ўзи бу маълумотни расман тасдиқламади. Ҳатто инсайдерларнинг ҳам бу ҳақда хабари йўқ.