Mitsubishi янги Grand Lancer русумини тақдим этди

Барчага таниш Mitsubishi Lancer Xнинг обдан янгиланган версияси апрелда Тайван бозорига чиқарилади.

Grand қўшимчасига қарамасдан Lancer эски ўлчамини сақлаб қолган. Узунлиги 4615 мм. Кузов панеллари эса тўла янгиланган.

Салонда олд панел ўзгарганини кўриш мумкин. Иқлимни бошқариш блоки Outlander кроссоверидан олинган. Бундан ташқари, медиатизимининг 8 дюймли дисплейи ҳамда асбобларнинг виртуал комбинацияси бор.

140 от кучига эга 1,8 литрли мотори аввалгидек қолган.

Асос комплектациясида бир жуфт хавфсизлик ёстиқчаси бор. Қўшимча тўлов эвазига ёстиқчалар сонини ошириш, “парда”, барқарорлаштириш ва тўқнашувдан огоҳлантириш тизими, орқани кўриш камераси қўшиш мумкин.

Седаннинг опциялари рўйхатида нур диодли фаралар, томқопқоқ, двигателни тугмадан ўт олдириш тизими ва икки зонали иқлим назоратчиси бор. Эслатиб ўтамизки, янги “Лансер”ни харид қилиш имкони тайванлик ва хитойликларгагина тақдим этилиши мумкин.