Михаэл Шумахернинг Мерседеси интернет орқали сотилмоқда

1986 йилда ишлаб чиқарилган Mercedes-Benz SL сотилиши ҳақида Classic Driver сайтида эълон берилди. Унда ёзилишича, автомобиль 560 SL 6.0 AMG версиясининг саноқли ишлаб чиқарилган нусхаларидан биридир.

AMG ательеси 5,6 литрли, 227 от кучига эга стандарт V8 моторни 6 литрли, 300 от кучига эга моторга ўзгартирган, дейди сотувчи. Реставрация натижасида машина тўқ кўк тус олган, салон сайқалланган, иккинчи қатор ўриндиқлари ўрнатилган ва руль чамбараги алмаштирилган.

Йўл ўлчаш қурилмасига ишонадиган бўлсак Mercedes-Benz SL 1699 км йўл босган, аммо сотувчининг ўзи негадир 9 999 999 км йўл босганини таъкидламоқда. Пойгачининг ноёб машинаси учун 300 минг доллар сўрашмоқда.