Nexia ва Gentra Қозоғистонда энг кўп сотилган машиналар ўнталигига кирди

Ўзбекистонда ишлаб чиқарилган Nexia ва Gentra автомобиллари Қозоғистонда энг кўп сотилган машиналар ўнталигига кирди. Бу ҳақда «12news.uz» хабар беради

«Автоконсалтинг.KZ» агентлиги хабарига кўра, 2015 йилнинг сентябрь ойида Nexia ва Gentra ўнталик рўйхатидан Hyundai Elantra’ни чиқариб юборди.

Сентябрь ойининг ўзида ушбу маркадаги автомобиллардан 565 дона сотилган: Nexia (238) ўнталикнинг тўққизинчи, Gentra (227) эса ўнинчи ўрнидан жой олди.

2015 йилнинг сентябрь ойида қозоғистонликлар энг кўп харид қилган автомобиллар ўнлигини Россиянинг LADA Priora (650) автомобили бошлаб берди. 2-ўрин Hyundai Accent (522), 3-ўрин Volkswagen Polo Sedan (516), 4-ўрин Kia Rio (351), 5-ўрин Renault Duster (327), 6-ўрин Renault Logan (293), 7-ўрин LADA Largus (268), 8-ўринни эса Renault Sandero (240) эгаллади.