Нидерландиялик киши Lamborghini Gallardo суперкарига тиркама улаб қўйди
Тиркама дегани тўпори машинага улангани дуруст. Миллионлаб доллар турадиган “Ламбаржини”га улаб нима қиласан? Бироқ нидерландиялик қандайдир тадбиркор киши Lamborghini Gallardo суперкарига жуда мос келадиган тиркамани улади, унинг расми эса Facebook тармоғида тарқалди.
Тиркама худди суперкарнинг “болача”сига ўхшайди. Кўк ранги ва енгил қотишмали дискларига бир хил.
Lamborghini Gallardoнинг очиқ варианти 2005 йилдан 2013 йилгача ишлаб чиқарилган. Унда 520 отнинг кучи бўлиб, 4,3 сониядаёқ юз тезликни уради. Бу ҳам камдек 14,5 сонияда икки юзга чиқади. Энг юқори тезлиги соатига 309 км.