Nissan 25 йил давомида ишлаб чиқарган моделини тўхтатди
Япония компанияси ўзининг 1990 йилда тақдим этган Nissan Tsuru (япон тилида — «турна») номли моделининг ишлаб чиқарилишини тўхтатди. Nissan’нинг Мексикадаги филиали ушбу моделни 1992 йилдан бошлаб ишлаб чиқарган.
Моделнинг сўнгги йиллардаги модификацияси 1,6 л ҳажмидаги 105 от кучига эга двигатель билан таъминланган эди.Nissan Tsuru Мексика автомобиль бозорида 7000 АҚШ доллари нархида сотилган. Модель арзон нархда сотилганлиги туфайли бозордаги энг харидоргир автомобиллардан бўлган.
ABS ва хавфсизлик ёстиғининг йўқлиги моделни ялпи ишлаб чиқаришдан олиб ташланишига асосий сабаб бўлган.
Эслатиб ўтамиз, Японияда ушбу моделни ишлаб чиқариш 1994 йилдаёқ тўхтатилган. Мексикада эса Nissan Tsuru қарийб 23 йил давомида тайёрланган ва шу ердан бошқа давлатларга экспорт қилинган.