Nissan Тесланинг “панжасига панжа урмоқчи”

Япон машинасозлари электромобиллар сафини кенгайтирмоқчи. Ниссанчилар экологик спорткар ва кроссоверлар орасида мавқеини янада мустаҳкамлашни режалаштираётибди.

Компаниянинг бош вице-президенти Широ Накамура келгуси беш йил ичида электрга ишлайдиган спорт автомобили ва кроссовер ишлаб чиқариш режаларини билдирди.

Аслини олганда, электромобил ишлаб чиқариш бўйича Ниссаннинг бировдан кам жойи йўқ, аммо ялпи ишлаб чиқарадигани биргина Leaf хэтчбеки холос. Океан ортидаги Тесла эса ўтган кузда Model Xни тақдим этди, ўтган ҳафта Tesla Model 3 хэтчбекини намойиш қилди. Ниссан четга сурилиб қолишни истамаслиги, табиий.

Ниссаннинг бўлажак электрокарлари янги платформада қурилади.