Opel ички ёнув двигателли автомобиллар ишлаб чиқаришни тўхтатмоқчи

“Опел” раҳбари Карл-Томас Нойман 2030 йилга бориб компания стандарт двигателли автомобиллар чиқаришга барҳам бериши ва фақат электромобиль чиқаришга ихтисослашишини билдирди.

Тантанали ваъдага қарамасдан PSA Group “яшил автомобиллар” масаласини муҳокама қилишга тайёр эмас. Ҳозир французларнинг PSA гуруҳи “Опел” машиналарини Евроиттифоқдан ташқарида сотиш ғамида юрибди. Нойман эса маркани аввало Европада зиён кўрмайдиган даражага олиб чиқиб, кейин Осиё томон кенгайиши тарафдори.

Шунга қарамасдан ҳал қилувчи қарорни французлар қабул қилади. Чунки Groupe PSA (Peugeot Citroën Automobiles) таркибига Citroën, Peugeot, Vauxhall, Hindustan Motors ва DS Automobiles брендларидан ташқари Opel ҳам киради.