Opel “Катта ер” номли кроссовер тайёрлайди
Crossland X номли кичик кроссовер ишлаб чиқарилиши тўғрисидаги хабар ортидан немис маркасининг матбуот хизмати Grandland X номли яна бир йўлтанламас ишлаб чиқарилишини эълон қилди. Ҳозирча, унинг тасвири кўрсатилмади. Қизиқтириш учун тахминий кўриниши намойиш этилган холос.
Дастлабки маълумотларга кўра, Opel Grandland X дебюти келаси йилнинг кузига мўлжалланган. У ўзимизнинг Chevrolet Captivaга ўхшаш Opel Antara кроссоверининг ўрнига келади.
Номи нега “Катта ер”? Қуруқликнинг материк қисмига ишора қилганми ёки Леонид Брежневнинг асаридан илҳомланганми – ким билади дейсиз.