Opel келажак автомобили салонининг суратларини эълон қилди

Opel компанияси Женева автосалонида намойиши бўлиб ўтадиган концептуал GT купесининг салонлари суратларини эълон қилди. Немисларнинг айтишича, прототип келажак автомоби интерьери қандай бўлишини ўзида намоён этади.

Купе салонида ҳеч қандай тугма ёки механик ўзгартирувчи асбобларни учратмайсиз. Прототипда инновацион интерфейс қўлланилган бўлиб, автомобилга рул бошқарувидаги инсон шахсини мустақил равишда аниқлаш, унинг учун индивидуал созламаларни тақдим имконини беради.

Opel GT рақамли асбоблар, шунингдек, олд панелнинг ўнг ва чап томонларида авиацион турбиналар услубида ишлаб чиқилган айланасимон иккита мониторга эга. Уларда орқа томондаги камерадан олинган тасвирлар кўрсатилиб, анъанавий орқани кўрсатувчи кўзгу ўрнини тўла эгаллайди.

Opel GT ўтган асрнинг 60- йилларида ишлаб чиқарилган шу номдаги кичик спорткупе шарафига яратилди. Прототипнинг умумий вазни 1000 килограммни ташкил этади. 145 от кучига эга бир литр ҳажм, уч цилиндрли турбомотор орқа ғилдиракларни ҳаракатга келтиради.

Концепт-кар саккиз сонияда юз км/соат тезликка чиқади. Энг юқори тезлиги эса соатига 215 километрга етади.

Opel ҳозирча GT талқинини туркум равишда ишлаб чиқаришни режалаштираётгани йўқ. Концепт мазкур немис маркаси остида ишлаб чиқариладиган келажак автомобилларининг услуби ва техник хусусиятларини намойиш этиш мақсадида тақдимотга олиб борилмоқда.