Ўтган ҳафтада 3 млрд сўмлик "чиройли" авторақамлар сотилди

Ўтган ҳафтада 3 млрд сўмлик

26 февралдан 4 мартгача бўлган давр мобайнида онлайн аукционлар орқали 119 та автомобиль рақам белгилари сотилган. Бу аввалги ҳафтага нисбатан икки маротабага кўп, деб хабар қилади Республика товар-хом ашё биржаси расмий сайти.

Шундан 104 таси жисмоний шахсларга, 15 таси юридик шахсларга сотилган.

Сотилган давлат рақам белгиларининг умумий суммаси 3 млрд сўмни ташкил қилиб, аввалги ҳафта кўрсаткичига нисбатан уч баравар ортган.

Рақобатли савдолар натижасида битимларнинг деярли 80 фоизи олий тоифадаги авторақамларга, 13,4 фоизи 2 тоифа ҳамда 6,8 фоизи 3-тоифа авторақамларга тўғри келади.

Харидорлар таркибида етакчиликни Тошкент шаҳри ҳамда Тошкент вилояти автоҳаваскорлари, кейинги ўринларни Фарғона вилояти ва Самарқанд вилояти харидорлари эгаллади.

Сайтимизнинг энг чиройли расмларини Инстаграмдаги саҳифамизда томоша қилинг!

Саид Мамуров

Carzone.uz'нинг сермаҳсул ёзувчиларидан. Ўзи ҳақида гапиришни ёқтирмайди. Ҳаваскор, лекин ашаддий автомобиль ишқибози.