Ram қимматли пикаплар сериясини намойиш қилди

Американинг пикапсоз компанияси Ram ўз йўлтанламасларининг “ултра” модификациясини намойиш қилди, деб ёзмоқда Motor1. Limited Tungsten Edition номли бўғимдаги пикаплар серияси стандарт версиялардан салони қимматбаҳо ишланганлиги ва электрон тизимларнинг сероблиги билан ажралиб туради.

Пикапларнинг ташқи кўриниши ўзига хос. Бампери кузов рангига бўялган, радиаторнинг хромли панжарасига “RAM” ёзуви туширилган. Салонига чарм, замш ва ёғоч қопланган.

Limited Tungsten Edition русумларининг рули иситилади, салонида 8,4 дюймли дисплейи бор, орқани кўрсатувчи камера ўрнатилган. Навигацияли мултимедиа қурилмаси Apple CarPlay ва Android Auto тизимларини қўллаб-қувватлайди.

Ram пикапларининг янги версияси жорий йилнинг учинчи чорагидан бошлаб АҚШда савдога чиқади.