Ravon R2 Россияда энг арзон чет эл автомобиллари рейтингида етакчилик қилди

Россияда 2018 йил май ойидаги энг арзон чет эл автомобиллари рейтинги эълон қилинди, деб ёзади Daryo.uz. Экспертлар рўйхатга тўртта автомобиль ишлаб чиқарувчи компаниянинг бешта моделини киритди.

Рейтингда Ўзбекистонда йиғиладиган Ravon R2 автомобили етакчилик қилди. 2018 йилда конвейердан чиққан автомобиль нархи 489 минг рубль (тахминан 7800 доллар)дан бошланади.

Иккинчи ўринда Япониянинг Datsun on-DO седани жойлашди: 2017 йилги автомобиль нархи 444 минг рубль (7100 доллар), 2018 йилгиси 451 минг рубль (7200 доллар)дан бошланади.

Ундан кейинги поғонани яна бир ўзбек модели — Ravon Nexia эгаллади, унинг нархи 449 минг рубль (7180 доллар)дан бошланади.