Ravon R2 Россиянинг энг тежамкор автомобиллари учлигида

Автомобиль соҳасида фаолият юритувчи россиялик таҳлилчилар иқтисодий жиҳатдан энг мақбул бўлган автомобиллар рўйхатини тузди. Рўйхатни тузишда таъмирлаш хизмати нархи ва сифати ҳисобга олинди.

Россиянинг энг тежамкор автомобили 330 минг рубл турадиган Lada Granta бўлиб чиқди. У қулай ва катта сиғимлилиги билан ажралиб туради. 1,6 литрли двигатели 100 кмга 6,5 литрдан ортиқ ёнилғи сарфаламайди.

Иккинчи ўринда тўрт эшикли Renault Logan седани бўлиб, у ишончли ва пишиқлиги билан ажралиб туради. Нархи 430 минг рубль. Рейтингдан ўзимизнинг Ravon R2 автомобили ҳам жой олган. Маълумки, унинг 1,25 литрли двигатели 100 кмга 8 литр ёнилғи сарфлайди.