Ravon Россияга биринчи қур жўнатилган автомобилларини сотиб бўлди

Харидорларини топган R2 хэтчбеклар автоматик узатмалар қутисига эга. Савдолар расман 10 апрелдан бошланишига қарамасдан мижозларнинг кўпчилиги дастлабки тўловни амалга ошириб бўлди.

Ўзбекистондан иккинчи қур (партия) автомобиллар жўнатиш учун ҳозирланмоқда.

R2 русуми Chevrolet Spark асосида яратилган бўлиб, энг ҳамёнбоп автомобиллар сирасига киради. Стандарт комплектациясида автоматик узатмалар қутиси, ABS тизими, иккита хавфсизлик ёстиқчаси, руль электрли кучайтиргичи мавжуд. Кондиционер, тўртта хавфсизлик ёстиқчаси ва бошқа қулайликларга эга варианти бироз қимматроқ.

R2 билан бирга Равон маркаси россиялик харидорларга Matiz ва Gentraни ҳам таклиф қилмоқда. Улар қаторига яқинда Nexia ҳам қўшилади.