Ravon хэтчбекининг Россиядаги нархлари маълум бўлди

Ravon Россиялик харидорлар учун нархлар варақасини тақдим этди. Россиянинг энг чўнтакбоп русумларидан бири саналган автомат қутили машинага буюртмаларни автодилерлар 10 мартдан бошлаб қабул қилишади.

Беш ўринли, 1,25 литрли 4 цилиндрли 85,5 от кучига эга хэтчбек (Comfort AT номли минимал комплектация) баҳоси 369 минг рубль. Автомат қутига эга.

Optimum AT версиясида тўртта хавфсизлик ёстиқчаси бор. Эшикларни қулфлаш тугмаси, пассив сигнализацияга эга. Асбоблар панели кумуш рангида. Борт компьютери, кондиционери бор, ён кўзгулари иситилади, олд ойнасида қуёшдан ҳимоя учун қорайтирилган тасма бор. Радиатор панжараси хромланган, ён кўзгулар электрда ростланади, 14 дюймли пўлат дисклари бор. Шунингдек, эшиклар тутқичи ва ён кўзгу кузов рангида. Таърифи келтирилган Оптимиум нархи 439 минг рубль туради.

Энг сара комплектация Elegant ҳисобланади. Optimumда тўртта хавфсизлик ёстиқчаси бўлса бунда олтита. Олд ўриндиқлар иситилади. Олтита колонкасида аудиотайёргарлик бор, тўрт эшигининг ойнакўтаргичлари электрлашган, аудиотизимнинг бошқарув пульти рулдадир. Elegant турдаги машинани истаган харидор 469 минг рубль санаб бериши лозим бўлади.

Ravon R2 автомобили Chevrolet Sparkнинг вориси эканлигини айтиб ўтиш керак.