Renault уч эшикли «Меган»дан воз кечди

Renault компанияси янги авлод Megane хэтчбекининг уч эшикли вариантини сотувга чиқармайди. Модель фақатгина беш эшикли вариантда, «хэтчбек» ва «универсал» кузовларида таклиф қилинади. Шунингдек, Auto Express’нинг ўз манбаларига асосланиб ёзишича, французлар Megane’нинг кабриолетини сотишни ҳам тўхтатади.

Шундай қилиб, кейинги авлод Megane’нинг двигатели энг кучли модификацияси ҳам фақат беш эшикли кузовда тақдим этилади. Нашрнинг тахминига кўра, хот-хэтч кучайтирилган «Меган» — GT’дан бир қатор узель ва тизимларни олади. Бунда гап, жумладан, бир вақтнинг ўзида бир неча босқичга ўзгартириш функцияси бор икки улашни узатмалар қутиси, шунингдек, тўлиқ бошқариладиган шасси ҳақида бормоқда.

Auto Express’нинг аниқлик киритишича, янги авлод Megane RS жорий модификацияга нисбатан кучлироқ двигатель билан таъминланади. Шу сабабли ҳам хот-хэтч Honda Civic Type R (310 от кучи) ва Ford Focus RS (350 от кучи)ларнинг сўнгги авлоди билан рақобатлашиш имконига эга бўлади.

«Меган»нинг янги авлоди Франкфурт автосалонида намойиш этилди. Моделнинг ҳозирча мавжуд версиялари орасида энг кучлиси — GT — француз компаниясининг спорт бўлинмаси — Renault Sport томонидан ишлаб чиқилган. Megane GT 205 от кучили двигатель билан таъминланган.