Россия пенсионерлар учун скутер чиқармоқчи

Владимир областининг губернатори Светлана Орлова Ковров электромеханика заводига скутер чиқариш ҳақида топшириқ берди.

Пенсионерлар учун мўлжалланган скутер қандай бўлиши маълум қилингани йўқ. Аммо секин юрадиган транспорт яратилиши ҳақиқатга яқинроқдир. Нархи 120-130 минг рублни ташкил этади. Таққослаш учун: Россияда оддий, арзон скутерни 40-80 минг рублга харид қилса бўлади.

Ковров электромеханика заводининг бош директори ҳозир намуналар қараб чиқилаётгани, асос комплектация аниқланаётганини гапирди. Шундан сўнг завод бошланғич партия скутерларини ишлаб чиқаради ва бозорни чамалайди. Скутернинг тезлиги 12 км/соат бўлишини директор айтди.