Россияда йил бошидан бери 611 мингта енгил автомобиль ишлаб чиқарилди

Россия давлат статистика хизмати тақдим этган маълумотга кўра, мамлакатдаги заводларда йил бошидан буён 611 минг дона енгил автомобиль ишлаб чиқарилган. Бу ўтган йилги шу даврга нисбатан 18,1% га кам кўрсаткичдир.

Мисол учун, июль ойида автомобилларни ишлаб чиқариш 2015 йилнинг июль ойидаги кўрсаткичга нисбатан 28.3% га қисқарган. Росстатнинг ҳисоботида июн ойидаги кўрсаткич 2015 йилнинг шу даврига таққослаганда 19.8% га камайгани маълум қилинган.

Аксинча, юк автомобилларини ишлаб чиқариш ўтган йилга нисбатан 6.2 % га ўсган (йил бошидан бери жами 70 400 дона юк машинаси тайёрланган). Автобуслар ишлаб чиқариш соҳасида ҳам ўсиш кузатилган. Россияда ўтган 7 ой давомида 19 100 дона автобус ишлаб чиқарилиб, бу кўрсаткич ўтган йилга солиштирганда 0.8% га кўпроқдир.