Россиянинг энг тежамкор автомобили қайси?

Бир гуруҳ иқтисодчи ва журналистлар Россия автомобиль бозорини атрофлича ўрганиб чиқиб, энг тежамкор машина Smart ForTwo хэтчбекидир, деган хулосага келди.

Сўнгги вақтда жаҳон бозорида “қора олтин” баҳоси тушиб бораётганига қарамасдан бензин нархи Россияда ўзгармади. Шу боис автомобилнинг ёнилғи сарфи харидорлар учун аҳамиятлидир.

Smart ForTwo хэтчбекига 71 от кучига эга 1 литрли мотор ўрнатилган. Аралаш циклда хэтчбек 100 кмда 3,4 литр бензин ёқади.

Иккинчи тежамкор Ford Fiesta бўлиб, унга 1,5 литрли турбодизел ўрнатилган. 75 от кучига эга “Фиеста”нинг юз кмга ёнилғи сарфи 3,7 литрга тенг.

Тежамкор автомобиллар учлигида Peugeot 308 ҳам бор. Француз авторусуми дизелли моторга эга бўлиб, аралаш циклда 3,8 литр ёнилғи сарфлайди. 1,6 литрли мотори 92 от кучига эгадир.