Россиянинг янги автомобили 4,7 сониядаёқ юз тезликка чиқади

Россиянинг DK Racing компанияси Shortcut номли пойга автомобилига буюртмалар қабул қилишни бошлади. Автомобиль Lotus 7 услубида ясалган.

“Шорткат”нинг энг юқори тезлиги соатига 210 км эканлигини компания вакиллари маълум қилди. 4,7 сониядаёқ юз тезликка эришиши билан ғурурланади. Машинанинг рамаси каттагина. Гарчи хориж русумидан илҳомланиб ясалган бўлса-да, кўпгина компонентлари Россиянинг ўз маҳсулотидир.

1,6 литрли двигатели Lada Granta Sportдан олинган. Узатмалар қутиси ВАЗдан ўзлаштирилган. Вазни 495 кг бўлиб 150 от кучига эга. Нархи 1 млн рубл деб баҳоланди.

Shortcut учун, ҳозирча, фақат спортча паспорт расмийлаштириляпти, бу умумфойдаланиш йўлларига чиқмаслигини англатади. Аммо DK Racing русумнинг йўлбоп версиясини ҳам тайёрлаш ниятида. Бунинг учун родстерга олд ойна, кўзгу, том, АВС, хавфсизлик ёстиқчалари ва ЭРА-ГЛОНАСС тизими ўрнатилади.