Салондаги чангюткич, 150 минг евро турадиган механик соат ва бошқа ғалати опциялар

Автомобилсозлар мижоз қулайлиги учун ўйлаб топган ғаройиб опциялар орасида Rolls-Royceникига етадигани йўқ. Унинг шифти юлдузли осмонга ўхшатиб ишланган. Харидор бу безак учун қўшимча 12 минг евро санаб беришига тўғри келади.

Рўйхатнинг юқори қаторларидан бирида Bentley Bentaygaнинг механик соатлари ҳам бор. Бу матаҳ харидорга 150 минг еврога тушади.

Honda Odyssey минивэнининг салонида эса чангюткич бор. Албатта, тозалаш ишлари учун. Чангюткич — майли, кунда-кунора керак бўлиши мумкин. “Одиссей”да жониворларни олиб юрадиган махсус жиҳозлар ҳам борлигига нима дейсиз?

Кофени ёқтирувчи мижоз италянларнинг FIAT 500 хэтчбекига Lavazza кофемашинасини ўрнаттириши мумкин. Dodge Caliberга кока-кола учун музлаткич жойлаштирса бўлади. Pontiac Aztec ўзиюрар чодир билан жиҳозланади.