Самарқанд автобусларида йўл ҳақи тўлов картаси ёрдамида тўланмоқда
Самарқандлик йўловчилар TezCard картасини махсус терминалга тиқади ва шу заҳотиёқ маблағ ечиб олинади, деб ёзмоқда Sputnik сайти. Бу кондуктор ёки ҳайдовчининг ҳисоб-китоб қилиш вақтини тежаб қолади. Бундан ташқари янги тизим ёрдамида статистика ишларини ҳам юритиш мумкин.
Келажакда инновацион ҳисоб-китоб қурилмалари билан жиҳозланган жамоат транспортлари сони кўпаяди. Ҳозир Самарқандда ушбу компаниянинг 10дан ортиқ пунктлари ишлаб турибди. Картага турли тўлов тизимлари орқали пул ўтказиш режалаштирилмоқда.