“Седона” минивэнининг яширин олинган суратлари тарқалди

Шифобахш неъматлардан бирининг номи билан аталувчи корейс автомобилининг янги версиясини Калифорниядаги Hyundai дизайнерлик маркази яқинида суратга олишган.

Келаси йили KIA компанияси янгиланган Sedona минивэнини намойиш этиши тахмин қилиняпти. Минивэн замонавий технологик қурилмаларга тўла.

KIA Sedonaнинг энг асосий авлодини ишлаб чиқариш 2015 йилдан бошланган. Биз назарда тутаётган русум бир оз ўзгаришга учраган, машина кузовининг олд қисмига яхшилаб ўралган ниқоб бундан далолат беради.

KIA Sportage ва Sorentoларнинг янги дизайнидан хулоса ясаб, минивэннинг радиатор панжараси ва фаралари бошқача кўриниш олади, дейиш мумкин. Қолаверса, ён кўзгу ва эшиклар ҳам ўзгариши мумкин.

Рестайлингга учраган автомобилга 8 поғонали автоматик трансмиссия ва янги ахборот-кўнгилочар мажмуа ўрнатилиши эҳтимоли катта.

Эслатиб ўтиш керакки, ўтган йили 44 264 дона “Седона” сотилди. Бу русумнинг рақобатчилари кўп бўлса-да, минивэн бўш келмаяпти. Унинг рақобатчилари ким дейсизми? Chrysler Pacifica ёки Honda Odyssey.

Chrysler Pacifica ва Honda Odyssey