Шимолий Кореяда бензин нархи 5 долларга сакради

Шимолий Кореяда бензин нархи 5 долларга сакради

Халқаро санкциялар ўз натижасини куттирмади. КХДРда ёнилғи баҳоси қарийб уч баробарга сапчиди.

БМТнинг хавфсизлик кенгаши 12 сентябрда КХДРга нисбатан санкцияларни кучайтириш ҳақидаги резолюцияни қабул қилди. Бу Шимолий Кореянинг навбатдаги ядровий синови учун киритилган жазо чорасидир. Энди шимолликлар хом нефть ва унинг қайта ишланган маҳсулотларини харид қилишига чеклов ўрнатилади.

Yonhap агентлигининг хабарига қараганда КХДРда бензиннинг нархи 3 баробарга ортиб кетган. Бир литр бензин учун шимолликлар 5,1 доллар тўламоқда. Бироқ гуруч ва хорижий валюта нархи ўзгармай қолганини айтиш жоиз.

Nikkei агентлигининг хабарига кўра, мамлакатга олиб келинадиган бензиннинг тахминан 60 фоизини нефть саноати вазирлиги қабул қилади ҳамда ёнилғи қуйиш шохобчаларига тарқатади. 20 фоиз ёнилғи Мудофаа вазирлиги ихтиёрига ўтади. 15 фоизини Корея Меҳнат партияси олса, 5 фоизи спорт ташкилотларига етказилади.

Carzone.uz сайтининг бепул эълонлар каналига қўшилинг.

Бакир Назаров

Carzone.Uz сайтининг фаол муаллифларидан. Автомобилни ҳашамат эмас, ҳаракатланиш воситаси деб билади. Йўлдаги шиори: "Юзда юрма, юзга кир"