Сингапур соатига 400 км тезликли Dendrobium гиперкарини ишлаб чиқаради

Сингапурнинг Vanda Electrics компанияси Британиянинг Williams Advanced Engineering инжиниринг компанияси билан ҳамкорликда Dendrobium электрли гиперкари устида ишламоқда.

Сингапур компанияси илгари скутер ва кичик юк машиналари ишлаб чиқарган. Сўнгги вақтда Williams Advanced Engineering ёрдами билан маҳсулотлари қаторига электрли гиперкар қўшилади.

Гиперкарнинг номи нега “Дендробиум”?  Маълум бўлишича, электромобиль орхидеялар оиласига мансуб ўсимлик номини олган. Сингапурликлар гиперкарнинг томига қўшилган эшиги очилишини бу ўсимликнинг гулбаргига ўхшатишади. Dendrobiumнинг чарм ва углерод толаси билан ишлов берилган салонига икки киши жойлашади.

Dendrobiumга бир ярим минг от кучига эга 100 кВт⋅соатли батарея ўрнатилган. 2,7 сониядаёқ 100 км/соат тезликка эришади. Энг юқори тезлиги соатига 400 км, йўл захираси ҳам худди шунча.

Сингапур “ўсимлиги” баҳорда Женева автосалонида прототип кўринишида намойиш этилади.