Сингапурда ҳайдовчисиз автомобилларни синаш ишлари тугалланмоқда

Технологик жиҳатдан тараққий этган шаҳар-давлат Сингапурда “ақлли” автомобилларни синаш ишлари тугалланиб, 3-4 ой ўтгач йўлларга чиқарилади. Бу ҳақда Сингапур транспорт вазири эълон қилди.

Айни вақтда республиканинг диққатга сазовор “Кўрфаз боғлари”да жойлашган илмий марказда автомобилни синаш ва тоблаш ишлари кетмоқда.

Режага кўра келгуси йил апрел-май ойларига бориб Сентос оролидаги дам олиш уйи ҳудудида ҳайдовчисиз автомобиль асосий ҳаракатланиш воситасига айланади. У қирғоқ бўйлаб ҳаракатланиши режалаштирилмоқда.

Бундан ташқари, ҳайдовчисиз автомобиллардан жамоат транспорти сифатида ва юк ташишда фойдаланиш режаси ҳам йўқ эмас.