Skoda Kodiaq рекламасининг 275 иштирокчиси совун пуфаги ичида (видео)

Илгари беш йўлбарснинг атрофида совун пуфагини шиширган чехиялик кўзбойлағич Матей Кодеш янги рекорд қўйишга енг шимарди. Албатта, янги рекорднинг Skoda Kodiaq автомобилига алоқаси бор.

Бунинг учун совун кўпигининг четига металл синчлар қўйиб тортилди.

Совун пуфаги шиширганлар уни сақлаб туриш қийинлигини билишади. “Совун пуфак устаси” учун ҳам бу иш осон бўлмади. Юпқа пардани елвизак ёриб қўяверди. Ниҳоят, ўнинчи уринишда одамлар улкан шаффоф пуфак ичида қолди.