Spofec ательесидан ҳашамдор Rolls-Royce Dawn

Таниқли немис автомобиль ательеси Spofec Rolls-Royce Dawn учун расмий модернизация тюнингини тақдим қилди. Янги кабриолет аэродинамик тўсгич, махсус қуйилган эксклюзив дисклар ва кучайтирилган агрегатга эга бўлди.

Янги Rolls-Royce Dawn by Spofec чиройли олд ва орқа бамперлар, ён компонентлар, аэродинамик спойлер ва 22-дюймли ғилдирак дисклари билан таъминланган. Кабриолетдаги янги подвеска 140 км/ст тезликда клиренс даражасини 40 миллиметрга камайтиради ва автомобиль белгиланган тезликдан ҳам юқори тезликда ҳаракатланганда уни бошланғич ҳолатга автоматик тарзда қайтара олади.

Шунингдек, Spofec вариантида зангламас пўлатдан ясалган чиқариш тизимлари ўрнатилган. Улар стандарт версияникидан 5 килограммга енгилроқ. Шунингдек, композит материаллардан қилинган бақувват тормоз тизими автомобил оғирлигини яна 38 килограммга енгиллаштиради.

Rolls-Royce Dawn by Spofec 6,6 литрли V12 агрегати билан қувватлантирилган, стандарт версияда у жами 571 та от кучига эга, айланиш моменти — 820 Нм. Аммо немислар моторнинг қувватини 686 от кучигача оширишга муваффақ бўлишган, айланиш моменти эса 980 Нм бирликни қайд этган. Янги модернизацияланган модель 100 км/ст тезликка 4,6 сонияда эришади, максимум тезлик 250 км/ст кўрсаткичида чекланган.