Spyker фирмаси D12 Peking-to-Paris-2017 электрокроссоверини чиқаради

Нидерландиянинг Spyker автокорхонаси тўлақонли электромобиль ишлаб чиқаришни мўлжалламоқда. Кроссоверга қудратли электромотор ўрнатилади.

Корхона гибрид автомобиль ишлаб чиқариши эҳтимоли тўғрисидаги ОАВнинг саволига фирма вакили “йўқ”, дея жавоб берди.

2006 йилда компания менежерлари D12 Peking-to-Paris кроссоверининг нишона нусхасини тақдим этганди. Аммо шундан сўнг кроссовер номаълум сабабларга кўра кўрсатилмади.

Голландларнинг Spyker Cars ширкати эксклюзив спорт автомобилларини, асосан, қўлда йиғиш йўли билан ишлаб чиқаради. 2010 йилнинг бошида Швециянинг Saab Automobile AB автомобилсозлик компаниясини сотиб олган ва 2011 йилнинг июнида Swedish Automobile N.V. номли янги компания шакллантирилган.