Таиландда янгиланган йўлтанламас пикап намойиш этилди

Таиландда Isuzu D-Max янгиланган йўлтанламас пикапининг тақдимоти бўлиб ўтди. Автомобилнинг кузови икки бўлмадан иборат. Усти очиқ юкхонаси хўжалик ишларида қўл келади. 4 цилиндрли, 1,9 литрли дизель турбомотор 177 от кучини беради. Машина узунлиги 4 метр бўлиб, экспертлар фикрича, Американинг 4,4 метрли GM Сanyon модели ёки 4,3 метрли Nissan Navara моделига муносиб рақобатчи бўлади. Автомобилга DХО диод чироқлари ўрнатилган, радиатор панжараси ўзгарган, двигатель картери ҳимояси кучайтирилган. Олд бампери нозиклашган. Салонда 8 дюймли суюқ кристалли монитор бўлиб квазисенсор (сенсорга ўхшаш) тартибда бошқарилади.

Янгиланган Isuzu D-Max пикапи Осиё ва АҚШда 28 минг доллар нархда сотилади.