Тарихда биринчи марта тезликни оширгани учун жарима солинган автомобиль

Буюк Британияда XIX аср охирида соатига 3 км этиб белгиланган тезлик тартибини бузган биринчи автомобиль тез орада намойиш этилади.

Тарихга кирган тартиббузар Британияда сентябр ойида ўтказиладиган орасталик танловида намойиш этилади. Arnold Benz номли бу автомобиль 1896 йилда ишлаб чиқарилган, деб ёзмоқда Motor1. Танлов ташкилотчилари маълумотига қараганда, Arnold Benz шаҳарда белгиланган тезлик чекловига риоя қилмаганлиги сабабли жарима билан сийланган.

XIX аср охирида йўлда тезликни 3 км/соатдан ошириш тақиқланганди. Бундан ташқари, махсус бириктирилган одам автомобиль олдида қизил байроқчани кўтариб юрган. Arnold Benzнинг ҳайдовчиси иккала қоидани ҳам бузганлиги учун жарима тўлаган.

Автомобиль рулида Benz машиналарини сотишга биринчи лицензияни олган Уолтер Арнольд исмли тадбиркор ўтирганди. Уолтер машинага қаттиқ газ бериб 13 км/соат тезликда ҳаракатланганда полициячи уни велосипедда қувиб етиб, бир шиллинг миқдорда жарима солган.

Шундан сўнг машинанинг олдида огоҳлантирувчи шахс бириктирилиши қоидаси бекор қилинган. Рухсат берилган энг юқори тезлик эса 22 км/соатгача оширилган.