Телефонга “ҳайдовчи режими” нега керак?

Барчамиз телефонлардаги “учиш режими”ни яхши биламиз. Самолётда учиш пайтида мобиль телефоннинг айрим функциялари ўчириб қўйилади.

АҚШ йўл хавфсизлиги миллий маъмурияти мобиль телефонлар учун махсус автомобиль режими ишлаб чиқишни тавсия қиляпти. “Driver Mode» ёқилганда ҳаракат давомида ҳайдовчи телефонга камроқ чалғийди.

Таклиф соддагина. Режим ёқилганда интерфейс осонлаштирилган кўринишга ўтади, яъни тугмалар катта ва кам сонли бўлади, муҳим бўлмаган тугма ва функциялар ўчирилади. Ҳайдовчини телефондаги фильм ва китоблар чалғитмаслигининг чораси кўрилади.

“Driver Mode»ни фаоллаштиришнинг икки йўли таклиф қилинмоқда: қўлда ва автоматик тарзда. Ҳайдовчи машинага ўтирганида аввал телефон мултимедиа тизимга уланади, ҳаракат бошланганда эса махсус режим ёқилади.

Ҳозир экспертлар бу таклифга муносабатларни кўриб чиқмоқда.