Tesla автопилоти содир қилган автоҳалокат биринчи марта ўлим билан якун топди

Автопилот режимида бошқарилаётган Tesla Model S седани ҳайдовчиси шу йилнинг 7 май куни Флоридада ҳалок бўлди. Юз берган ҳодиса юзасидан компания баёнот берганидан сўнггина оммага бу факт ҳавола этилди. “Тесла” автопилоти билан боғлиқ ўлим ҳодисаси биринчи марта кузатиляпти.

Баёнотда келтирилишича, автопилот режимида бўлган электромобиль йўлни тик ҳолда кесиб ўтаётган трактор остига кириб кетган. Электромобилнинг тепа қисми зарб еган. 40 ёшли ҳайдовчи Дошуа Браун ҳалок бўлган.

Автопилот тўсиқни сезмаганини ишлаб чиқарувчи қайд этди, чунки тракторнинг оқ рангли тиркамаси кун ёруғида билинмаган. Шу сабабли вазиятни ўз қўлига олиши мумкин бўлган ҳайдовчи ҳам хатарни пайқамай қолган.

Компания автопилот янги функциялиги, ундан фойдаланганда рулни тутиб туриш ва йўлдаги вазиятни назорат қилиш лозимлигини эслатиб ўтди. Шу билан бирга Элон Маск компаниясининг статистикасига кўра, “Тесла” автопилотида 130 минг мил масофани авариясиз босиб ўтилганини эслаш жоиздир.

АҚШ йўллари хавфсизлиги бўйича Миллий бошқарма (NHTSA) ташаббуси билан Tesla Model S ҳолати юзасидан текширув бошланди. Шундай ҳолат қайта юзага келмаслиги учун 25 минг автомобилни қайтариб олиш зарурияти бор-йўқлигини экспертлар баҳолашади.